LEGAZPI CITY-Nag-atubang na sa International Criminal Court (ICC) an kampo ni dating Presidente Rodrigo Duterte ngani kontrahon an kahagadan kan piskalya na siyasaton an mga nakumpiskar na mga gamit kan saiyang pag-aresto, na inapod nindang “fishing expedition” o paghanap nin ebidensya na warang supisyenteng basehan.
Segun sa lead defense counsel na si Atty. Peter Haynes, haloy nang nasa kustodiya kan ICC Registry an mga bagay na ini alagad ngonian sana an mawot kan piskalya na siyasaton ini, maski suboot kumpirmado na an mga akusasyon kontra ki Duterte, bagay na sabi niya makakaatraso sana sa paglilitis.
Tinatsaran man kan depensa an kahagadan na eksaminasyon kan gabos na susi na nakumpiskar, asin nanindugan na wara ining malinaw na koneksyon sa kaso asin pwedisir na magbalgar sa privacy kan mga parientes ni Duterte.
Huli digdi, an depensa naghagad sa ICC Trial Chamber III na ilaag sa Hunyo 30, 2026 bilang deadline para sa anuman na bagong mosyon sa prosekusyon manungod sa ebidensya sa ICC Registry.
Obheto suboot kan kampo ni Duterte na malikayan an anuman na pagkaatraso sa mga preparasyon para sa maabot na paglilitis.
