Hinagad kan kampo ni dating Presidente Rodrigo Duterte sa International Criminal Court (ICC) na dae pagbigyan an kahagadan kan prosekusyon na inspeksyunon anmga gamit na nasamsam sa saiyang pag-aresto, na inapod ninda na sarong “fishing expedition” o paghahanap nin ebidensya na warang bastanteng basehan.
Segun ki lead defense counsel Atty. Peter Haynes, haloy nang nasa kustodiya kan ICC Registry an mga gamit alagad ngunyan sana mawot na inspeksyunon kan prosekusyon, maski pa nakumpirmar na an mga sakdal kontra sa dating presidente.
Ini suboot an makaka ulang sana sa paglilitis.
Tinuyaw man kan depensa an kahagadan na inspeksyunon an gabos na mga susi na nakumpiskar, asin pigduon na wara ining klaradong koneksyon samga kaso asin posibleng pagbayolar na sa privacy sa pamilya ni Duterte.
Huli digdi, hinagad kan defense team sa ICC Trial Chamber III na italaan an Hunyo 30, 2026 bilang huring aldaw para sa anuman na bagong mosyon kan prosekusyon katakod kan mga ebidensyang nasa ICC Registry.
Obheto kan kampo ni Duterte na maibitaran an anuman na dugang na pagka octaba sa preprasyon para sa paparaning paglilitis.
