LEGAZPI CITY-Pigsugo an Philippine banks asin mga e-wallet operators an pagsend nin SMS-and email-based one-time passwords (OTPs) huli sa high-risk na mga transaksyon poon Hunyo 25, sa irarom kan direktiba kan Bangko Sentral ng Pilipinas (BSP) ngani mapakusog an proteksyon laban sa fraud o pandadaya.
Sa irarom kan BSP Circular No. 1213 na pig-isyu kan Mayo 2025, obligado kan central bank an mga BSP-supervised financial institutions na salidahan an SMS- and email-based OTPs nin mas matibay na authentication methods arog kan biometric, behavioral, or passwordless solutions poon kan Huhnyo 25.
Sakop kan direktiba an mga bangko asin e-wallet operators na igwang average na labi sa P75 million online transactions kada bulan, kairiba na an most universal asin commercial banks, gabos na digital banks asin select cooperative, thrift, siring man an rural banks.
Susog kay BSP Deputy Governor Lyn Javier, nakatutok an ahensya sa pagtataguyod kan inobasyon sa mga serbisyong pinansyal ngani maprotehiran an mga customer hale sa mga bagong anyo nin pandaraya, kabale an technology-enabled fraud.
