Inengganyar kan Department of Labor and Employment (DOLE) ang mga kumpanya sa construction industry na boluntad na gamiton an Progressive Wage Model (PWM) nganing matawan nin mas halangkaw asin mas makatarungang sahod ang mga obrerong mababa an nakukuang ganansya.
Sa irarom kan advisory na pinirmahan ni Labor Secretary Francis Tolentino kan Hunyo 16, sakop kan programa an mga carpenter helper, mason helper, painter helper, tile-setter helper, asin plumber helper.
Segun ki Tolentino, obheto kan PWM na matawan nin malinaw na landas an mga obrero nganing maglangkaw an saindang sahod mantang nadudugangan an saindang kasanayan, ekspersyensya asin productivity sa trabaho.
Sa sistemang ini, nakabatay ang paglangkaw kan sahod sa pagsasanay, competency certification, work experience, asin pagpapamarhay kan kalidad asin kaligtasan kan trabaho
Nilinaw man kan kalihim na dae riribayan kan PWM an nag-iiral na regional minimum wage system kundi masirbi ining dugang na mekanismo nganing mas kompetitibo ang ganansya kan mga obrero.
Piglalaoman man na makikinabang ang mga employer huli sa makakatabang an programa sa pag-akit, pagmamantinir asin pagpapauswag kan mga skilled worker mantang napapakusog an productivity kan industriya.
Mabarewas man nin technical assistance ang Regional Tripartite Wages and Productivity Boards sa mga kumpanyang mawot magpaotb kan nasabing wage model.
