Nagpasiring sa Tacloban City si Education Secretary Sonny Angara ngani na personal na kumustahon an mga estudyanteng nairido sa nangyaring pambabadil sa San Jose National High School.
Binisita kaini an mga biktima na presenteng nagpaparahay sa Leyte Provincial Hospital.
Nakipag-olay man an opisyal sa mga paratukdo asin personnel kan nasabing eskwelahan ngani na aramon an saindang sitwasyon makalihis an nangyaring insidente.
Sinierto man ni Angara an tulos na pagtatao nin psychosocial support para sa mga paratukdo asin mga naapektaran kan insidente.
Inanunsyar man niya an pagdedesignar nin mga guidance counselor ngani na matabangan an mga estudyante na maproseso asin makayanan an emosyonal na epekto kan pangyayari.
Segun ki Secretary Angara na importante na masierto an seguridad asin kapakanan kan mga paratukdo asin mga estudyante mantang padagos an pagbangon kan komunidad hali sa trahedya.
