Pigpaparikas kan House prosecution panel an pagmamarka kan mga ebidensiya sa impeachment case kontra ki Vice President Sara Duterte ngani na matapos an pre-trial process antes an nakatalaan na paglilitis sa July 6.
Segun ki lead prosecutor Atty. Gerville Luistro, pigtutukar sa pre-trial an mga dokumentong ebidensiya para sa enot na duwang Articles of Impeachment na may koneksyon sa confidential funds asin suboot dae maipaliwanag na yaman.
Pinaglalaoman kan prosekusyon na magpapaluwas an Senate impeachment court nin pre-trial order makalihis makumpleto an pagmamarka kan mga ebidensya kan mag-ibong na lado.
An kasuguan na ini an magseserbing giya sa paglilitis asin maaaraman kan mga napagkasunduan na katotohanan, listahan kan mga testigo, ebidensiya, asin schedule kan pagdangog.
Sinabi ni Luistro na nagtetenir sa Hulyo 6 an pagpupuon kan impeachment trial sa ibong kan mga angat sa pre-trial proceedings.
Dugang pa niya na mawot kan prosekusyon na magdugang nin saro pang grupo ngani na maparikas an pagmamarka nin dakol na ebidensya, alagad dae ini inuyunan kan depensa huli sa kakulangan suboot kan mga abogado.
