Paramientras na isinarado kan lokal na gobierno kan Dipaculao, Aurora an sarong resort kun sain nalamos an duwang miyembro kan Ateneo Blue Eagles Men’s Basketball Team na sinda Rene Clert Baterbonia asin Divine Adili kan Hunyo 8, 2026.
Magigiromdomang inanunsyar kan Ateneo de Manila University kan Lunes an pagkagadan ninda Baterbonia asin Adili makalihis suboot sndang malamos mantang nasa sarong team-building activity kan koponan sa Dipaculao.
Napag-araman na nagluwas nin Temporary Closure Order ang lokal na gobierno laban sa Hermanos Leisure and Farm Resort kasunod kan direktiba ni Dipaculao Mayor Danilo A. Tolentino.
Obheto kan kasuguan na magsagibo nin komprehensibong imbestigasyon sa insidente asin masierto an kaligtasan kan mga residente asin turistang bumibisita sa mga pasyaran sa banwaan.
Sa presente, nagkukundusir nin mahigot na inspeksyon an sarong composite inspection team na kompwesto kan mga kinatawan hale sa Business Permits and Licensing Office (BPLO), Municipal Tourism Office (MTO), Municipal Disaster Risk Reduction and Management Office (MDRRMO), asin Philippine Coast Guard (PCG).
