LEGAZPI CITY-Pigpoonan na kan Kamara de Representantes an paghahanda para sa papaabot na ika-limang State of the Nation Address (SONA) ni President Ferdinand “Bongbong”Marcos Jr. na nakatalaan sa Hulyo 27, 2026.
Sa enot na inter-agency coordination meeting, sinabi ni House Secretary General Atty. Cheloy Velicaria-Garafil na “simplicity” an magigin tema kan SONA kan Presidente ngonian na taon.
Segun saiya, wara ng red carpet asin halabang mga gown, asin pigeenganyar an mga ma-atendir na magsulot nin simple alagad angkop na mga kasuotan.
Nagsagibo man nin pag-tiripon ngani pag-olayan an seguridad, protocol, asin iba pang preparasyon para sa taunan na report kan Presidente sa Kongreso.
Inatendiran ini kan Kamara, Senado, Malacañang, mga ahensyang pang-seguridad, asin lokal na gobierno.
An ikalimang SONA ni Presidente Marcos, gigibuhon sa Session Hall kan Kamara sa maabot na Hulyo 27, 2026.
