Nagpagiromdom an Department of Labor and Employment (DOLE) sa gabos nin employers mapadapit sa tamang pagbabayad kan “holiday pay” sa mga empleyado.
Ini para sa pag-obserbar kan Araw ng Kalayaan sa Biyernes, Hunyo 12, na sarong regular holiday sa nacion, basado na man sa inisyung Proclamation No. 1006 ni Presidente Ferdinand Marcos Jr.
Sa iniluwas na panuntunan kan DOLE kan Domingo, Hunyo 7, nakasaad na ang mga empleyadong malaog sa Biyernes an dapat makaresibe kan 200% kan saindang aldawan na sahod sa enot na walong oras kan saindang pagtatrabaho.
Para man sa mga empleyado na magre-report sa trabaho nin labi sa walong oras, pati na sa workers na nagtama an rest day sa aldaw na ini, dapat sindang bayadan nin kadugangang 30% sa saindang hourly rate.
Kun warang laog an empleyado, makakaresibe man liwat nin 100% kan sahod basta naglaog o naka-paid leave ang empleyado sa aldaw bago ang regular holiday (basic wage x 100%).
Dugang kan ahensya, kun an aldaw bago ang regular holiday an non-working day o rest day sa kumpanya, makakaresibe man liwat nin holiday pay ang empleyado kun malaog siya o naka-paid leave sa aldaw bago kan non-working day o rest day.
Inengganyar man ni DOLE Sec. Francis Tolentino ang mga obrero na magpasiring sa pinakaharani na DOLE Regional Office o mga konektadong ahensya, kun may mga kahaputan mapadapit sa pagbabayad asin pagresibe nin holiday pay o labor standards.
Pwedesir man mag-apod an mga obrero sa DOLE Hotline 1349 o DOLE social media page kung may mga labor asin employment concerns.
