Kapot na ngunyan kan New York Knicks an 2-0 series lead makalihis daugon an San Antonio Spurs sa dukot na laban, 105-104, sa Game 2 kan NBA finals.
Nagin liave sa pagkagana si Jalen Brunson na nakapagrehistro nin importanteng steal asin free throw sa huring minuto ngani na maisalbar an Knicks.
Huli digdi, duwang gana na sana an kaipuhan kan Knicks ngani na makuwa an saindang pinaka enot na NBA championship puon kan 1973.
Nagpakitang-gilas si Karl-Anthony Towns na nakapagrehistro nin 21 puntos, 13 rebounds, asin 4 assists, mantang si Brunson an nagrehistro nin 20 puntos, 5 rebounds, 6 assists, asin 5 steals.
Nag-ambag man si Mikal Bridges nin 20 puntos, 6 rebounds, asin 6 assists, mantang si OG Anunoby an igwang 17 puntos, apat na rebounds, tulong assists, asin duwang steals.
Sa lado kan Spurs, nangenot si Victor Wembanyama na may 29 puntos, 9 rebounds, 2 assists, asin apat na blocks mantang si De’Aaron Fox an nakatipon nin 20 puntos, tulong rebounds asin limang assists.
Nagtao man nin suporta si Harper na igwang 15 puntos, anom na rebound asin tulong assists.
