LEGAZPI CITY-Pinahimutikan kan Kabataan Partylist na bako sinda imbuelto sa anumang flood control scandal o mga proyekto.
Ini makalihis an isiwalat kan nagpabistong mga dating marines sa nakalihis na Blue Ribbon Committee hearing.
Segun kay Kabataan Partylist Former Rep. Raoul Manuel, sa intrevista kan Bombo Radyo Legazpi na Makabayan din mismo an nagsiwalat kan mga pinagsasabi kan suboot mga dating marines, asin dai nagtutugma an pigsasabi nindang nag-benipisyo an Makabayan digdi.
Dugang pa kaini na “fake” an nagkapirang testimoniya sa kasagsagan ng hearing sa impeachment asin flood control committee.
Sinabi pa niya na duly elected na si Senator Erwin Tulfo asin dai na dapat “nag-epal” pa sina Senator Pia Cayetano asin Senator Rodante Marcoleta.
Dagdag pa ni Manuel na sinda mismo an nag-bring up kan mga pointers kan kurpasyon maski pa sisay an imbuelto digdi.
Pig-agyat man niya an mga nagpabistong ex-Marines na kun consistent sinda sa saindang testimonya, dapat na maglatag ini nin ebidensya na igwang flood control projet na pig-insert an Makabayan sa anational budget.
Alagad wara man suboot sindang mahahanap na ebidensya huli ta wara man sindang pig-endorse an anuman na flood control asin infrastructure project o maski classroom, barangay hall, o tulay huli ta bako ini an saindang paagi ngani makapag-serbi sa nacion.
Tinawan doon kan opisyal an “strategy” ninda ini ngani raotan an mga nagkakaigwa nin papel sa impeachment trial ni VP Sara Duterte.
Dai man suboot niya bistado an mga ex-Marines na ini, kun kaya pigkakahadit niya na posibloeng maski sisay na sana sa mga opisyal kan gobierno an idawit para sa saindang “convenient” asin gibo-ibong testimonya.
