Sarong resource person na nagngangaran na Bernard Gumban an naghayag kan suboot duwang beses siyang naghatod nin mga maleta na may laog na kwarta para ki Senador Erwin Tulfo.
Segun ki Gumban, na miyembro kan “18 Marines,” duwang maleta an saiyang enot na ipighatod.
Paliwanag kaini na an saradit na maleta an komon na may laog na poco mas o menos P20 milyon hanggang P25 milyon, mantang an medium sized na maleta an posibleng may laog na P40 milyon hanggang P50 milyon.
Basado sa saiyang pagkakarkulo, an enot na delivery an igwang kabilugan na kantidad sa pagultangan kan P60 million asin P70 million.
Sa ika-duwang bes, sinabi ni Gumban na anom na maleta man an saiyang naihatod.
Pigkakarkulo niya na may kabilugan na kantidad an laog kaini na posibleng umabot hasta sa P150 milyon.
Segun sa resource person, an mga nasabing maleta an ipighatod suboot sa harong ni Sen. Tulfo sa Greenhills.
Bukas man an Bombo Radyo Philippines sa anuman na pahayag ni Senador Erwin Tulfo.
