Inanunsyo ni Senate President Pro Tempore Sherwin “Win” Gatchalian ang work-from-home (WFH) arrangement para sa mga kawani kan Senado ngunyan na Huwebes, Hunyo 4, 2026, bunsod kan nangyari sa Mataas na Kapulungan na suboot nakaaepketar sa oeprasyon asin morale kan mga empleyado.
Sa sarong Senate advisory, sinabi ni Gatchalian na obheto kan lakdang na mamantinir an neutrality kan bureaucracy ng Senado.
Naenot digdi, nagpaluwas nin memorandum si Senador Alan Peter Cayetano na nagbibisto sa saiyang padagos na pag-angkin sa liderato kan Senado asin ipigdoon na padagos an gabos kan nakatalaang hearing kan Hunyo 4, kabale an Blue Ribbon Committee hearing.
Segun ki Cayetano, magtitinir na bukas an Senado asin ipigdoon na may awtoridad siya sa mga pasilidad kaini alinsunod sa 1987 Konstitusyon. Nagpatanid man siya na bako dapat “padlock” ang Senado asin sinabing padagos an hearing kan komite. Plano man niyang magpasiring sa Senado bago mag-alas-10 nin aga nganing siertohon an pagbubukas kan session hall para sa hearing.
Mientrastanto, sinabi ni Gatchalian na ang desisyon na dae magsagibo nin official business an katakod kan mga pagbabago sa liderato asin reorganisasyon kan mga komite sa Senado.
An Blue Ribbon Committee, na enot nang nasa irarom kan liderato kan kampo ni Cayetano, an inireport na ngunyan pinamamayuhan ni Sen. Erwin Tulfo matapos ang mga pagbabago sa mayorya kan Miyerkules.
