Dae pinagbigyan kan Sandiganbayan an kahagadan ni Leyte Rep. Martin Romualdez na bawion an precautionary hold departure order (PHDO) kontra saiya, katakod kan suboot pagkaka imbwelto kaini sa isyu sa flood control scandal.
Basado sa desisyon kan Sandiganbayan 7th Division, sinabi kaini na dae nadipensaran ni Romualdez an rason kaini na pangangaipo nin medical check up.
Nagpalyar suboot an kongresista na magsumiter nin medical records, medical abstract, o schedule kan saiyang check up sa Singapore.
Dugang pa kan korte na nagpalyar man si Romualdez na magpahiling nin patunay na nagkaigwa na siya nin kaparehong biyahe sa ibang nacion para sa pagpapabulong, antes pa man na makaladkad an pangaran sa kontrobersiya sa flood control projects.
Marurumduman kaya na sa presente, pig-iimbestigaran an dating house speaker huli sa suboot plunder, direct bribery, pagbayolar sa Anti
Graft and Corrupt Practices Act, indirect bribery, asin money laundering.
An nasabing mga akusasyon an mahigot na pinahimutikan kan kongresista.
