LEGAZPI CITY-Suhestyon kan Ban Toxic Campaigner na dapat nang magpaluwas nin mga lehitimong listahan kan mga manufacturers asin importers o kaya mismong mga pangaran kan klase nin brand kan school supplies na laog sa standard kan nacion.
Segun kay Ban Toxic Campaigner Thony Dizon, sa intrevista kan Bombo Radyo Legazpi sa intrevista kan Bombo Radyo Legazpi na mas madaling makatabang ini sa mga kababayan sa saindang pagpili nin barakalon.
An nangyayari suboot, mas pighahanap ninda kun ano an igwang pinakabaratong presyo kun kaya pige-enganyar ninda an mga regulatory agency na ipaskil sa mga nagtitienda nin school supplies an mga lehitimong brands.
Pig-enganyar man ni Dizon an mga paratienda na dai na ipabakal an mga bako man rehistradong school supplies huli ta pigsasaalang-alang ninda an salud kan konsumidores, orog na kan mga jovenes.
Dagdag pa niya na dai man aram kan nagkapirang paratienda an klase kan hazard sa siring kaining kemikal, huli ta negosyo sa pagtitienda an saindang pighihiling.
Pig-enganyar man kan opisyal an mga local government unit asin regulatory agency na magsagibo nin onsite inspection ngani magin maaram an mga paratienda sa mga ipinagba-bawal na produkto sa nacion.
