LEGAZPI CITY-Pighahanda na kan Bureau of Jail Management and Penology (BJMP) an detention cell ni Senador Jinggoy Estrada sa New Quezon City Male Dormitory sa Payatas.
Segun kay Interior Secretary Jonvic Remulla na inasegurar niya an saindang preparasyon en kaso ipaluwas na an mandamiento de aresto para ki Estrada sa kasong plunder iluwas kan Fifth Division kan Sandiganbayan.
Nahahampang an Senador sa kasong plunder na imbuelto an kantidad P573 milyon na suboot kickback hale sa manlaen-laen na flood control projects.
Magigirumduman na kan Biyernes, nagpiyansa si Estrada nin P90,000 para sa saiyang kaso nin graft sa Sandiganbayan Second Division kaiba si dating Department of Public Works and Highways secretary na si Manuel Bonoan.
Sa ibong kaini, piglinaw ni Remulla na nasa Sandiganbayan pa man giraray an pagdesisyon kun sain ninda ibubugtak si Estrada enkaso mailuwas na an warrant of arrest sa kasong plunder.
