LEGAZPI CITY-Nangapudan si Parañaque Rep. Brian Raymund Yamsuan nin mas pinakusog na mental health support sa mga state universities and colleges (SUCs) sa tahaw kan naglalangkaw na numero kan mga jovenes na nakakaeksperyensya nin anxiety asin depression.
Sa irarom kan saiyang isinangat na House Bill No. 7354, pigbubusol an pagtatag kan Mental Health Office (MHO) sa gabos na state universities asin colleges na magkaigwa nin campus hotline asin mga trained guidance counselors ngani magtabang sa mga estudyanteng igwang pinag-aagihan na mental health concerns, orog na an mga posibleng peligro kan self-harm o suicide.
Segun kay Yamsuan, obheto kaini na punan an kakalungan kan mga programa para sa mental health sa mga college students, na nahahampang sa academic pressure, siring man sa stress, depresyon, bullying, asin mga problemang resulta kan trabaho o pagigin harayo sa pamilya.
Susog kaya sa mga pag-aadal, nasa 7.5% kan mga kabataang Pilipino na edad 15–24, nakakaeksperyensya nin suicidal thoughts, na nadoble kumpara sa 3% kan 2013, mantang nagsakat man sa 11% poon 7% an numero kan mga nakakaeksperyensya nin depresyon.
