Sa botong 9-5-1, ibinasura kan Supreme Court (SC) an kahagadan ni Sen. Ronald “Bato” dela Rosa na temporary restraining order (TRO) asin status quo ante order laban sa warrant of arrest kan International Criminal Court (ICC).
Isinagibo an desisyon sa sarong special En Banc session.
Nilinaw man kan SC na ang desisyon an nagtutukoy sana sa kahagadan para sa interim relief asin dae pa pinal na pagresolba sa kabilogan kan kaso.
Itutukar pa kan korte ang orolay kun maikokonsiderar na “fugitive” si dela Rosa asin kun valid ang arrest warrant kan ICC laban saiya.
Sa manifestation ni dela Rosa, kahagadan niya an “temporary restraining order and/or status quo ante order ” nganing pugulan an Department of Interior and Local Government (DILG), Department of Foreign Affairs (DFA), Department of Justice (DOJ), Philippine National Police (PNP), an Pilipinas asin an Criminal Investigation and Detection Group (CIDG) na ipaotob an warrant of arrest na inisyu kan ICC, red notice hale sa International Criminal Police Organization, o arin man na foreign judicial o quasi-judicial instrument nin warang Philippine judicial warrant.
