Inagyat ni Senador Francis “Kiko” Pangilinan si Senador Robin Padilla katakod kan planong pagsusunad kaini nin ethics complaint kontra saiya, asin sinabing magsusunad man nin kontra-reklamo huli sa suboot pananakot asin kawaran nin decorum sa Senado.
Sa post kan senador, sinabi kaini na warang bastanteng legal na basehan an reklamong mawot na isunad ni Padilla asin pinayuhan ining dae maging “balat sibuyas.”
Segun pa sa senador na dae maiibitaran an matitinding diskusyon asin paglanglaw nin boses sa tahaw kan mainit na debate sa plenaryo.
“Kung laban sa ethics yun, marami na sanang mga senador ang sinampahan at pinarusahan,” dagdag niya.
Sinabi man ni Pangilinan na kun idadagos ni Padilla an reklamo, magsusunad siya nin counter-complaint huli sa suboot pagbayolar sa parliamentary rules, kawaran nin proper decorum, asin suboot pananakot asin harassment mantang naka-recess an plenary session.
Nagpuon an tensyon sa pagultangan kan duwang senador makalihis mapag-olayan sa Senado an suboot harassment asin human rights violations na ginibo kan mga tauhan kan National Bureau of Investigation (NBI) sa pagbalo na pagseserbi kan arrest warrant kontra ki Senador Ronald “Bato” dela Rosa.
