LEGAZPI CITY-Pig-heras kan sarong ina asin pulis sa Rapu-Rapu, Albay an kadifisilan sa pagbalanse kan trabaho asin pag-ataman kan saiyang aki ngonian na Mother’s Day.
Segun ki Rapu Rapu MPS Women and Children Protection Desk – Police Non-Commissioned Officer Police Corporal Rachelle A Dondonilla sa intrevista kan Bombo Radyo Legazpi na dai maiibitaran an kabangang oras sa trabaho asin sa pag-ataman sa saiyang aki alagad pigbubulos niya na sana an gabos niyang oras tuyong day off.
Dagdag pa niya na mantang nangangapa pa saiya sa pagigin ina sa saiyang 10 months old na baby, magabat para saiya na iwalat ini matapos an haros 105 na aldaw sa saiyang pagbabalik sa sinumpaang tungkulin sa trabaho.
Sinabi pa niya na “ironic” ini huli ta dai niya nahihiling nin pisikal o naise-selebrar na magkaiba an mga milestones kan saiyang aki.
Alagad, pig-iisip na sana niya na para sa futuro kan saiyang aki an saiyang dagos na pagtatrabaho.
Mensahe kan opisyal sa kapareho niya ina, na magpangadyi, pakusugon an boot asin mag-pokus sa mga positibong resulta kan saindang mga sakripisyo.
