LEGAZPI CITY-Pigenganyar ni Senator Sherwin Gatchalian an Social Security System (SSS) asin an Government Service Insurance System (GSIS) na pahewason pa an loan o pautang sa mga myembro kaini nagni makabakal nin electric vehicles (EVs) sa tahaw kan halangkaw na presyo kan krudo.
Nagtutubod si Gatchalian na an nasabing lakdang an siertong magpapakaskas sa transition o paglipat kan nacion sa paggamit kan mga electric vehicles na makakatabang ngani mabawasan an pagigin dependent kan nacion sa paggamit kan imported fuel.
Pinuna man kan senador na kadakol an mawot makabakal nin electric vehicles alagad nagigin ulang an halangkaw na presyo kaini.
Kun magkakaigwa suboot nin loan facility ngani makabakal kaini, mas matatabangan an mga kababayan ngonian na nadidifisilan sa halangkaw na presyo kan gasolina asin diesel.
An matitipid sa gastos sa langis, posibleng idagdag suboot sa pagbabayad kan loan sa nasabing behikulo.
Dagdag pa kan senador na an mas mahewas na pagpapatugdok nin mga kaipohan na imprastraktura arog kan mga charging stations, mas maeenganyar an mga organisasyon asin konsyumer na tuluyang maglipat sa paggamit kan mga electric vehicles.
