Nangapudan an mga lider kan Association of Southeast Asian Nations nin katoninongan sa Gitnang Silangan kasunod kan nagtitinding tensyon sa pagultangan kan US, Israel, Iran, asin Hezbollah.
Sa ginibong press conference makalihis an 48th ASEAN Summit, sinabi ni Presidente Ferdinand Marcos Jr. na dipisil makahanap nin panghaluyan na solusyon sagkod nagpapadagos an mga pambobomba asin labanan sa rehiyon.
Kasabay kaini nangangapudan man an mga foreign minister kan ASEAN sa gabos nin lado na ipundo na an kadahasan, sunudon an ceasefire, asin likayan an anumang lakdang na pwedesir magpalala sa sitwasyon.
Tinawan-doon man kan ASEAN an importansya kan pagmamantinir kan bukas asin ligtas na Strait of Hormuz, na pigkonsiderar na importanteng agihan kan mga barkong nagdadara nin langis asin iba pang produkto sa bilog na kinaban.
Sa saindang joint statement, nagpahayag man nin labing pagkahadit an mga lider kan ASEAN huli sa pwedesir maapektaran kan giyera an world peace, kalakalan asin suplay nin enerhiya.
Nagpagiromdom man si PBBM na an padagos na tensyon an pwedesir magkawsa nin pagka-octaba sa biyahe kan mga barko asin eroplano, pati na man sa pagpapadara nin importanteng produkto sa manlaeng-laeng nacion.
