LEGAZPI CITY—Nagkundusir nin meeting an Sorsogon Provincial Disaster Risk Reduction Management Office asin iba pang ahensya kan gobierno makalihis an mga nairehistrong paghalangkaw sa seismic activity kan Bulkang Bulusan na presenteng nasa Alert Level 1.
Segun ki Sorsogon PDDRMO Head Engr. Raden Dimaano, sa intrevista kan Bombo Radyo Legazpi, an nasabing pagtiripon an gari sarong refresher meeting kun sain pigdiskotir an kahandaan en kaso na magsabog an nasabing bulkan.
Naka-monitor na man suboot an mga evacuation centers, suplay kan tubig asin food packs kun kaipuhanon an pag-ebakwar kan mga apektadong residentes.
Pig-asigurar man ninda na dapat may mahigot na koordinasyon an mga manlaen-laeng ahesya de gobierno para sa nasabing preparasyon.
Mientrastanto, abiso man kan opisyal sa mga namamanwaan na magin vigilant sa kapalibutan siring man na pigsierto niya na pirme sindang naka-monitor sa sitwasyon kan Bulkang Bulusan.
