LEGAZPI CITY-Nagkaigwa nin tensyon sa pagitan ni Rep. Paolo Marcoleta asin Rep. Gerville Luistro sa pagdangog kan House Justice Committee makalihis na kwestyunon an kapangyarihan kan komite na naghahagad nin mga dokumento hale sa Anti-Money Laundering Council (AMLC) nin warang court order.
Sa saiyang manipestasyon, nanindugan si Marcoleta na kumpidensyal an mga suspicious transaction reports asin covered transaction reports sa irarom kan Anti-Money Laundering Act of 2001 asin dai ini posibleng maisapubliko nin warang basbas kan hudikatura.
Pigpoporbaran man kan kongresista na maghagad nin paglilinaw kun an sarong transaksyon na na-tag bilang suspicious, iyo an awtomatikong maikokonsidera na pagbayolar sa ley.
Siring man, marikas na pinutol ni Luistro, na nagseserbing presiding officer kan komite, asin tinawan doon na dai nangangaipohan nin simbag an manipestasyon.
Punto pa ni Luistro na bako man opisyal na miyembro kan Justice Committee si Marcoleta kun kaya wara ining direchos na maghapot sa nabanggit na pagdangog.
