LEGAZPI CITY- Maduon na kinontra kan grupong Samahang Industriya ng Agrikultura ang propuesto na babaan an taripa sa urig, sa tahaw kan krisis na nangyayari sa ngunyan.
Segun ki SINAG Executive Director Jayson Cainglet sa intrevista kan hali sa dating 40% na taripa, enot na ining binabaan sa 25% asin 15% alagad wara man na nagin pagbabago.
Paliwanag kan opisyal na maski pa babaan an taripa, dae man kaini napapababa an presyo sa merkado kaya dae man liwat natatabangan an mga konsumidores.
Sa nakalihis na apat na taon, wara suboot na naginibong mga lakdang ngani na mapababa an presyo kan karneng urig sa nacion.
Dugang pa kaini na dakol na mga stocks nin imported na urig sa mga cold storage facilities alagad marikas man liwat na nagkakaigwa nin pagmahal sa presyuhan, urog na ngunyan na panahon nin krisis.
Mientras tanto, sinabi man ni Cainglet na wara sindang nahihiling na kakulangan sa suplay kan urig alagad aminado na dakula an epekto kan pagmahal kan feeds sa posibleng magigin presyuhan kaini.
