LEGAZPI CITY- Inaprubaran kan Legazpi City Water District an nagin pangapudan kan lokal na gobierno kan Legazpi na gibuhon na three-bill policy hali sa presenteng two-bill policy.
Nangangahulugan ini na hasta sa tulong bulan an itatao na palugit sa mga consumidores ngani na dae maputulan nin supply.
Segun ki Legazpi City Water District General Manager Rico Salazar na obheto kan lakdang na matawan man nin diit na palugit an mga namamanwaan sa tahaw kan naeeksperyensyahan na krisis.
Sa ibong kaini, nilinaw kan opisyal na aplikalble man liwat an mga penalidad sa mga overdue na bills para sa labi sa 27,000 na mga residential comsumers.
Alagad nangapudan an opisyal sa mga miyembros consumidores na kun may kakayanan man sanang magbayad, dapat na i-settle an saindang konsumo sa tamang oras ngani na dae man maapektaran an cash flow kan ahensya.
Paliwanag ni Salazar na kun dakulang numero kan mga konsumidores an dae magbabayad o maghahalat pa nin tulong bulan, dae mapopondohan an mga imprastruktura, repair asin maintenance requirements na makaka apektar man sa operasyon.
