LEGAZPI CITY-Padagos an pagpapahiling nin halangkaw na aktibidad kan Bulkan Mayon mantang nagtetenir sa alert level 3.
Susog sa pinakahuring datos kan Philippine Institute of Volcanology and Seismology (Phivolcs) sa bilog na magdamlag, padagos an pagdaloy kan lava sa tulong gullies kaini, kabale an Basud, Bonga, asin Mi-isi.
Nai-rehistro man an minor strombolian activity kan Bulkan, 440 rockfall events asin PDC’s, 41 volcanic earthquakes kaiba an 16 volcanic tremors na naghaloy nin saro hasta 54 minuto an duration kaini.
Mientras tanto, nagkakaigwa nin panandaliang pag-nipis sa Bulkan kun sain pigpopoonan kan paghuhubag kaini sa parteng northeast.
Mahigot man liwat an patanid kan Phivolcs na ibitaran an paglaog sa 6-km permanent radius danger zone.
