Posibleng ipagpadagos kan Estados Unidos asin Iran an negosasyon sa pangkatoninongan makalihis na magpalyar an nakalihis na round kan kasuduan kan weekend na obhetong tapuson an tensyon sa Strait of Hormuz.
Sa ibong kaini, wara pang sierto na petsa kan liwat na pag-oolay.
Sa tahaw kan tensyon, napag-araman na bahagyang nagbaba an presyo kan langis sa pangkinaban na merkado makalihis an indikasyon na magpapadagos an diplomatic talks.
Enot na man na nagpaotob an Estados Unidos nin blockade sa mga pantalan kan Iran bilang kasimbagan sa pagsasarado kan Strait of Hormuz, na sarong importanteng agihan kan haros 20% kan global oil supply.
Segun sa U.S. Central Command, labi sa 10,000 na mga suldados, mga warships asin aircraft an yaon sa rehiyon ngani na gamiton sa saindang planong operasyon.
Afuera digdi, nagpatanid man an Iran na posible nindang targeton an mga barko kan Amerika asin mga kaalyado kaini kun magpapadagos an saindang operasyon mantang inapod an blockade bilang sarong “piracy.”
Sa tahaw kan krisis, nagpatanid man an International Monetary Fund na posibleng malaag sa peligro an global economy asin posibleng mauli sa recession kun magpapadagos an giyera asin halangkaw na presyo kan krudo.
