Sinierto kan Department of Information and Communications Technology na padagos sindang nakatutok sa mga reklamong nareresibe dapit sa mga abusadong gasolinahan.
Segun ki Secretary Henry Rhoel Aguda na igwang naka designar na ‘section’ sa ipiglansar na eGovPH Application kan gobierno kun sain sinda nakabantay sa reklamo kan publiko.
Pwedesir na magrani an sarong indibidwal ‘online’ enkasong nakaka eksperyensya o madidiskubre an mapang-abusong gasolinahan.
Aminado man an nasabing opisyal na sa presente, dae pa nakokolektar an kabilugan na numero kan mga naresibeng reklamo dapit sa partikular na isyu.
Maski bako pa marhay dakol an nareresibeng reklamo, sinierto ni Aguda na reresolberan an mga ini asin dae ipapasipara an mga sumbong kan publiko.
