LEGAZPI CITY—Naka-red alert na ngunyan an Bureau of Fire Protection Albay katakod kan obserbasyon kan Semana Santa.
Segun ki Bureau of Fire Protection Albay Provincial Fire Marshal Fire Superintendent Jerickson Miraflor, sa intrevista kan Bombo Radyo Legazpi, nag-deploy na sinda nin mga firetruck, ambulansya asin mga personahes kan ahensya para sa nasabing aktibidad.
Nag-deploy na sinda nin mga personahes sa mga tinampo, terminal, simbahan, tourist destinations magin sa iba pang vacation sites nganing masierto an kaligtasan kan publiko.
Naglalaom man an opisyal na warang makaeksperyensya nin anumang emerhensya sa katahawan kan pag-obserbar kan Semana Santa.
Dugang kaini na saro sa saindang pigbabatayan an mga tourist destinations o mga beach goers nganing malikayan o tulos man na marespondehan an mga dae piglalaomang insidente.
Nangapudan man si Miraflor sa publiko na ipalsok an mga electrical connection o circuit breaker, asin iba pang pwedesir na puonan nin kasulo nganing malikayan an anumang insidente. Siring man an pagigin vigilant urog na sa pagbiyahe, pagpasiring sa mga aktibidad o mga outing nganing masierto na salbado asin dae mapahamak an saindang mga padangat sa buhay.
