LEGAZPI CITY-Dakulang angat ngayon para kay Israeli Prime Minister Benjamin Netanyahu an o panibagong orolay sa pag-ultanan kan Estados Unidos asin Iran mantang nagpapadagos an gera sa rehiyon.
Nagpoon ini kan ihayag ni U.S. President Donald Trump na bukas siya sa anumang negosasyon sa Iran ngani mabawasan an tensyon, kaiba an pagoolay sa mga limitasyon sa nuclear asin ballistic missile programs kan Iran, na enot nang pignegaran kan Tehran.
Mientrastanto, nanindugan an Iran sa saindang posisyon, na nagde-demand kan mga compensation asin garantiya bago makipagolay sa Amerika.
Segun man sa mga analyst na ”under pressure” si Netanyahu, na pigkokonsiderang pangenot na nagtataguyod kan agresibong kampanya laban sa Iran.
Mientrastanto, mantang pigbabalanse kan Amerika an diplomasya asin padagos an presensya kan militar kaini sa Middle East, nagtetenir na mas agresibo an posisyon kan Israel sa rehiyon makalihis ianunsyo ni Israeli Defence Minister Israel Katz na magtugdok sinda nin mahiwasang security zone sa South Lebanon hasta sa Litani river bilang parte kan saindang kampanya laban sa grupong militante na Hezbollah, na suportado suboot kan Iran.
