Nagsakat sa P165.4 billion ang budget surplus kan Pilipinas sa enot na bulan kan 2026.
Nagibo ini kan national government huli sa paghalangkaw kan ganansya kan gobierno. Ini an haros triple pa sa nairehistrong budget kan Enero kan nakalihis na taon na nag-abot sana sa P68.4 billion.
Sa nasabing bulan an nag-abot sa P468.9 billion ang nakolekta kan national government na kabilogang ganansya.
Dakulan parte kan nasabing ganansya an hale sa Bureau of Internal Revenue (BIR) na nakalikom nin P358.7 bilyon. Mas halanglaw ini nin 1.01% kumpara kan January 2025.
Nag-abot sa P80.9 bllion an nakolekta kan Bureau of Customs (BOC). Naghalangkaw ini nin 2.13%.
Paliwanag kan Bureau of Customs an mas halangkaw na tax collection an huli sa mas mahigot na pagpapaotob nin manlain-laing measure laban sa smuggling asin iba pang ilegal na aktibidad.
Para sa BIR, binisto man kaini an digitalization asin mas mahigot na tax administration bilang pangenot na rason kan pag-angat kan tax collection kan enot na bulan kan presenteng taon.
