LEGAZPI CITY- Pinaghahandaan na ngunyan kan provincia kan Sorsogon an posibleng epekto kan pagmahal kan langis sa sektor kan turismo.
Segun ki Sorsogon Provincial Tourism Officer Bobby Gigantone sa intrevista kan Bombo Radyo Legazpi na magkakaigwa ini nin epekto sa pagbiyahe kan mga turista.
Ini an sa takaw kan pinagkakahaditan na mas halangkaw na gastos sa biyahe.
Posible kaya na maapektaran kan paglangkaw kan presyo kan produktong petrolyo an gabos na klase nin transportasyon, siring kan land, air asin sea travel, kaya dae pighahali an posibilidad na magduwa-duwa an mga turista na magbiyahe.
Sa ibong kaini, sinierto ni Gigantone na nagigibo nin mga paagi an provincia ngani na mabalanse an sitwasyon asin ma-enganyar man liwat an mga turista na makapagrelax sa mga pasyaran asin tourist destinations.
