LEGAZPI CITY—Naparalisa an nasa 95% serbisyo kan transportasyon sa probinsya kan Albay makalihis an ikinundusir na transport strike kan mga grupo nin driver asin operator huli kan nagpapadagos na paghalangkaw kan presyo kan produktong petrolyo.
Segun ki Basta Driver Safety Enforcer President Ronel Nebres, sa intrevista kan Bombo Radyo Legazpi, nagin matoninong man an pagkundusir nin transport strike siring sa banwaan kan Daraga huli sa tabang kan kapulisan.
Obheto kan saindang pagwelga na madangog kan gobierno na ibasura an value-added tax asin excise tax sa produktong petrolyo magin an oil deregulation law.
Dugang niya na kabanga man an reaksyon kan mga driver sa pagsuspinder kan fare hike huli sa makaherak man suboot para sa sitwasyon kan mga commuter.
Sinabi man ni Nebres na mabale man liwat an saindang grupo sa transport strike na madurar antes ngonian na aldaw nin Biyernes, Marso 20.
