LEGAZPI CITY-Dismayado an mga transport groups sa pagbawi ni President Ferdinand Marcos Jr. sa paglangkaw kan pamasahe na pig-implementar sa sektor kan transportasyon.
Segun kay PISTON President Mody Floranda, sa intrevista kan Bombo Radyo Legazpi na makakigkig an kagyat na pagbawi kan Presidente na pigpapahiling sana nin mismong bako magkasararo asin magkakaibang posisyon kan mga nasa ahensya mantang aprubado na kan DOTr asin LTFRB.
Sinabi pa ni Floranda na kun hihilingon makakatabang na suboot an dagdag na piso kun nasa 200 na mga pasahero alagad warang pakundangang binawi kan gobierno.
Dugang pa niya na warang pinagkaiba ini sa naaprubahan kan kongreso na sahod alagad na-veto ni President Marcos asin naibalik sa kongreso.
Pangapudan man kan grupo na mahale na an sobra-sobrang buwis sa produktong petrolyo sa irarom kan excise tax asin an pagbasura sa oil deregulation law.
Mientrastanto, dai man suboot nin makikinabang sa propwesto ni President Marcos na libreng sakay, na mismong bako man libre huli ta buwis ini kan mga namamanwaan na pigbabayad sa gobierno.
Sinabi pa kan opisyal na dai kaini mareresolbaran an problema kan sektor kan transportasyon asin dai kaini matatabangan an mga driver, operator, asin mga namamanwaan.
