Nagpalyar si Pinoy boxing legend Nonito Donaire kontra ki Riku Masuda sa saindang bantamweight title eliminator sa Yokohama, Japan.
Nagsurendir an kampo kan 43-anyos na Pinoy boxer kaya itinapok an puting towel pag-abot kan ika-walong round.
Sa pagpupuon pa sana kan laban, pinauranan na nin suntok kan joven na Japanese boxer si Donaire.
Bahagyang nakabawi man sa ika-limang round si Donaire kun sain tinamaan niya nin left hook na sinundan nin right hook an 28-anyos na Japanese boxer.
Paglaog kan ika-anom na round, nakabawi an Japanese boxer asin napatumba an Pinoy boxer.
Ini na an ika-duwang sunod na daog ni Donnaire na igwa nang record na 43 na gana asin sampulong daog na igwang 28 knockouts mantang an Japanese boxer na si Masuda an igwang sampulong gana asin sarong daog.
