Pig-enganyar ni Pope Leo an mga Kristiyanong political leaders na responsable sa pagpoon nin mga armadong iriwal na siyasaton an saindang konsensia asin magkumpisal.
Sa saiyang talumpati sa sarong pagtiripon kan mga padi sa Vatican City, inagyat kan Santo Papa an mga lideres kun tunay sinda na nagsusunod sa mga katukdoan ni Jesukristo.
An pahayag na ini kasunod kan padagos na pangapudan kan Santo Papa na pugulan an giyera sa Iran na nag-ugat sa joint airstrikes kan Estados Unidos asin Israel kan Pebrero 28.
Magigirumdumang si US President Donald Trump an pinadakula sa pananampalatayang Kristiyano, mantang an saiyang mga halangkaw na opisyal na sinda Vice President JD Vance asin Secretary of State Marco Rubio an mga Katoliko.
Mientrastanto, si Washington, D.C. Cardinal Robert McElroy dati nang pigdoon na an pag-atake kan US asin Israel sa Iran an not morally legitimate huli ta dai ini nakakaabot sa mga basehan kan Simbahan Katoliko manungod sa just war.
