LEGAPZI CITY-Ipigheras sa social media kan aktres na si Geneva Cruz an mga ladawan para sa bagong milestone kan saiyang buhay kun sain nakapagtapos siya sa kolehiyo.
Sinabi ni Geneva na mantang paparan na siya sa golden age, naisipan niyang ipadagos an saiyang mga pangarap asin ngonian natupad na ini.
Dagdag pa kan aktres na pig-aalay niya an pinakabagong kapangganahan sa saiyang 19-anyos na sadiri, na kinaipuhan na tulos magdakula asin magtrabaho bilang sarong joven na ina.
Nag-desisyon an aktres na magbalik sa kolehiyo taong 2024 ngani tapuson an saiyang kurso na Business Administration sa Philippine Christian University.
Dati naman siyang nagkua nin AB General/Lit sa University of Santo Tomas, alagad kinaipuhan niyang mag-drop out makalihis na magin ina sa saiyang matuang aki na si Heaven Arespacochaga.
