LEGAZPI CITY—Nangapudan an grupong Samahang Industriya ng Agrikultura sa gobierno na dae mag-abala sa pagbarewas nin one-time ayuda kundi importante man na magpadagos sa pagtabang sa mga paraooma sa kada proseso kan saindang pig-ooma, ini sa tahaw kan pagbabarewas nin fuel subsidy huli kan nagpapadagos na tensyon sa Middle East na nagresulta sa paghalangkaw kan presyo nin krudo.
Segun ki SINAG Executive Director Jayson Cainglet, sa intrevista kan Bombo Radyo Legazpi, dapat sindang tabangan puon sa pagpreparar kan tatanumon hasta mismo sa post-production.
Pighayag niya na wara man kutang pigahahagad na ayuda an mga paraoma alagad huli kan presenteng sitwasyon an kinakaipuhan suboot na mabawasan an presyo kan krudo asin fertilizer en kaso magpuon na an preparasyon sa pagtatanom.
Sa presente nakikipag-ulay na man an grupo sa Department of Agriculture nganing maghanap nin solusyon na mas mapagaan an sitwasyon kan mga paraooma sa nangyayaring kariribokan sa ngunyan.
Mientrastanto, mensahe man ni Cainglet sa mga paraooma na dapat magtabangan partikularmente na sa saindang lugar asin magtaram tulos sa magkakanigong ahensya o grupo nganing tulos man ining maaksyunan.
