Nilinaw kan Department of Education (DepEd) na dae sakop kan ipapaotob na four-day workweek kan gobierno an klase sa mga pampublikong eskwelahan sa nacion.
Segun ki Education Secretary Sonny Angara, sakop kan four-day workweek ang mga opisina kan DepEd.
Magigiromdomang inihayag ni Presidente Ferdinand “Bongbong” Marcos Jr. na puon ngunyan na aldaw, Marso 9, magpapaotob an pirang ahensya sa irarom kan executive branch nin four-day work week bilang pagtitipid asin pagpreparar sa posibleng paghalangkw kan presyo nin krudo kawsa kan tensiyon sa Middle East.
Mientrastanto, nagluwas man nin direktiba si Angara sa mga pampublikong eskwelahan na magsagibo nin simple alagad makabuluhang graduation asin moving-up ceremonies para sa pagtatapos kan school year.
