LEGAZPI CITY- Mawot ngunyan na matawan linaw kan grupo nin mga paratukdo kun kaibanan sinda sa pagpapaotob kan 4-day work week.
Marurumduman kaya na sa masunod na semana, mapuon na an apat na aldaw sanang trabaho sa nagkapirang mga ahensya de gobierno.
Segun ki Alliance of Concerned Teachers Chairperson Ruby Ana Bernardo sa intrevista kan Bombo Radyo Legazpi na patapos na an school year kaya kukulangon an aldaw kan mga paratukdo urog na ngunyan na igwang learning crisis.
Inapod man kaini an nasabing lakdang bilang sarong band aid solution sana sa tahaw kan kamawotan na makapagtipid sa enerhiya huli sa kariribukan sa Middle East.
Sinabi kaini na dapat na kontrolon an pagpapataw nin buwis sa pangenot na mga babarakalon.
Nangapudan man ini na asikasuhon kan gobierno an dagdag sahod sa mga ordinaryong obrero ngani na makasabay sa padagos na paglangkaw kan presyo kan babarakalon.
