LEGAZPI CITY- Kinondenar kan grupo nin mga kababaihan an nagin kontrobersyal na pahayag ni Quezon City Representative Bong Suntay kontra sa aktres na si Anne Curtis.
Ini an kasunod kan sinabi kan kongresista sa House Committee on Justice na nag-init suboot an saiyang pagmati kan mahiling an aktres.
Segun ki Gabriela Bicol Spokesperson Jen Nagrampa sa intrevista kan Bombo Radyo Legazpi na dae dapat pigigibong normal an pagpapahiling nin objectification asin pambabastos sa mga kababaihan.
Tama sana suboot na maghagad man an kongresista nin public apology.
Bako suboot kataggap-tanggap an arog kaining mga pahayag lalo na para sa sarong elihidong opisyal kan gobierno na dapat na nagpapahiling nin magayon na ehemplo sa publiko.
Katakod kan isidente, mawot man kan grupo na masunadan nin ethics complaint si Representative Suntay ngani na dae na pamarisan.
Marurumduman na dati na man na nagsunad nin propuesto an grupo na nangangapudan na papanimbagon an mga nagbubutas nin bastos na pahayag kontra sa mga kababaihan.
