LEGAZPI CITY-Pigsisierto kan Armed Forces of the Philippines (AFP) na warang nahihiling na banta sa Pilipinas an pag-atake sa Iran asin sa tahaw kan naglalalang tensyon sa Middle East.
Segun kay Rear Admiral Roy Vincent Trinidad, tagapagtaram kan Philippine Navy, limitado sana sa humigit-kumulang 2,000 na kilometro an abot kan missile system kan Iran.
Sinabi pa niya na nasa 7,500 na kilometro an distansya kan Pilipinas hale sa Iran kaya malabong maka-abot ini sa Pilipinas.
Dagdag pa ni Trinidad na magin an strategic US-UK military base na Diego Garcia sa Indian Ocean, an dai man naaabot kan missile capability kan Iran.
Nilinaw man kan AFP na an mga lugar na sakop kan Enhanced Defense Cooperation Agreement (EDCA), iyo an mga pasilidad na tag-sadiri kan Pilipinas asin bako mga base militar kan Estados Unidos.
Pigagamit an suboot an mga ini para sa humanitarian assistance, disaster response, asin joint drills sa mga kaalyadong nacion, alagad bako para sa offensive attacks.
Kasunod ini kan nagluluwas na mga pahayag na posibleng magin target kan Iran an mga Enhanced Defense Cooperation Agreement site enkaso maglala pa an sigalot sa pagultanan kan Iran, Estados Unidos, asin kan Israel.
Siring man, sinabi man kan ahensya na an presenteng iriwal, saro sa mga regional na pinag-oolayan sa Middle East asin bako imbuelto an Pilipinas.
Nangangapudan man an militar sa publiko na magtenir na kalmado, magin marigmat sa mga pigheheras na impormasyon, asin magsunod sa mga opisyal na pahayag kan gobierno.
