LEGAZPI CITY-Nasungkit kan duwang atleta hale sa Camarines Sur Division an gintong medalya sa nagpapadagos na Palarong Bicol 2026.
Nakuwa ni Lianne Dacara asin Jefphers Delfino an gold medal sa 1500-meter run para sa elementary level.
Segun kay Gold Medalist Lianne Dacara, sa intrevista kan Bombo Radyo Legazpi na ikinaogma niya ini asin an saiyang pamilya huli ta natupad na an saiyang pangaturugan.
Pagistorya ni Lianne, nagpoon siya sa sports kan grade four asin enot niya ining pag-intra sa Palaro.
Ikinaogma niya an saiyang eksperyensya sa division asin nagpapasalamat sa suporta kan saiyang coach para sa saiyang kapangganahan.
Mientrastanto, sa hiwalay na intrevista sa coach ni Gold Medalist Jefphers Delfino, sinabi kaini na proud siya bilang coach sa mga naabot ni Jefphers.
Pag-historya niya na poon grade 3, nagbale na si Jefphers sa pag-training siring kan saiyang mga tugang, na pararehong nakaabot sa Palarong Pambansa.
Nagtatao suboot an mga coaches nin training pogram para sa mga atleta asin pigtatao ang bilog na suporta para sa saindang magayon na futuro.
Sa presente piglalaoman kan duwang atleta na makaguno liwat nin ginto sa Palarong Pambansa na gaganapon sa Agusan del Sur.
