LEGAZPI CITY- Pigkokunsiderar kan mga kapulisan sa Matnog, Sorsogon na magayon na development an nangyaring boluntaryong pagsurendir kan sarong newly identified drug personality sa lugar.
Segun ki Police Captain Wilfred Lloyd Berdin, hepe kan Matnog Municipal Police Station sa intrevista kan Bombo Radyo Legazpi resulta ini kan warang patod kan kampanya kan mga kapulisan kontra sa iligal na droga.
Sinabi kan opisyal na nakatabang an regular na pagkakaigwa nin dayalogo sa mga barangay officials kun sain pig-eenganyar an mga ini na ibahan an mga drug personalities na mawot na magsurendir sa kapulisan ngani na makapagbagong buhay.
Ini huli ta an mga barangay officials suboot an mas nakakabisto sa saindang mga residente.
Sa presente, an nasabing drug surrenderee an nakatalaan na i-turn over sa Municipal Anti-Drug Abuse Council para sa magkakanigong interbensyon.
