Panibagong pasakit na naman sa mga motorista an posibleng mangyari sa masunod na semana.
Ini an huli sa nakatalaan na big time oil price hike na ipapaotob kan mga kumpanya nin langis.
Basado sa Department of Energy na nagluwas sa apat na aldaw na Mean of Platts Singapore (MOPS) trading, na an gasolina an posibleng maglangkaw nin poco mas o menos P1.60 kada litro.
An diesel man an posibleng maglangkaw nin piso kada litro mantang an kerosene an posibleng maglangkaw nin poco mas o menos P1.40 kada litro.
Segun sa DOE-Oil Industry Management Bureau na naka apektar sa paglangkaw kan presyo an sitwasyon sa pagultangan kan Estados Unidos asin Iran.
Komon na pig-aanunsyar an pinal na presyuhan tuyong Lunes asin pigpapa otob tuyong Martes.
