LEGAZPI CITY- Ipig-aagrangay ngunyan kan nagkapirang paratienda nin sira sa Legazpi Boulevard an suboot matumal na barakalan nin sira.
Segun sa paratienda na si Melanie Rivera sa intrevista kan Bombo Radyo Legazpi na haros tuyong weekend sana nagkakaigwa nin marhay na barakalan.
Komon suboot na dae nauubos an saindang mga paninda asin kakarampot na sana an ganansya.
Paliwanag kaini na nagkukuwa pa sinda nin sira sa ibang lugar siring sa Donsol, Sorsogon asin Ligao City huli ta mas dakol an nag-aabot na supply.
Huli digdi, nagdadakula pa an gastos ninda sa transportasyon.
Mientras tanto, sa suway na intrevista sa parasisira asin paratienda man na si Dave Matamorosa, sinabi kaini na dae sinda marhay nakakapaglawod sa dagat sa Legazpi City huli sa makusog na ukol.
Komon suboot sindang nakakakuwa nin dakol na dakop nin sira sa Sorsogon huli ta mas kalmado an sitwasyon kan kadagatan.
