LEGAZPI CITY-Kinumpirma kan Philippine Institue of Volcanology and Seismology na mahaloy pa sagkod pirang bulan an effusive eruption kan Bulkang Mayon.
Segun kay Mayon Observatory Resident Volcanologist Doreen Abelinde sa intrevista kan Bombo Radyo Legazpi na wara pang senyales na matatapos ini sa anumang oras huli ta nagtetenir na halangkaw an mga parameters asin unrest kan Bulkan.
Dagdag pa ni Abelinde na mahaloy pa ini sagkod pirang semana o bulan huli sa padagos na pagluwas kan lava asin gas na ibig sabihon napaka-efficient an pagluwa kan materyal kan Mayon.
Sinabi niya na ini an downside kan Mayon kun sain posibleng maghaloy pa an mga displaced person hale sa palibot kan Bulkan.
Kun ikukumpara suboot sa Bulkang Kanlaon, magkaiba an system kan eruption asin magma chamber kaini.
Paliwanag niya na an Bulkang Kanlaon, nagkaigwa nin explosive eruption kun sain igwang short period of time nin pagluwas kan kadakol na volume.
Mantang an Bulkang Mayon nagkakaigwa nin effusive eruption, kun sain luway-luway an pagluwas kan materyal asin halaba an duration kan eruption.
Dugang pa niya na hababa an tsansa na mangyari an explosive erruption kan Kanlaon sa Mayon, huli ta sa ngonian nakakapag-degas asin depressurized na ini.
Alagad sa presente, kinakaipuhan man liwat bantayan an sulfur dioxide emission kan Bulkang Mayon huli ta enkaso magbara ini sa system asin makapag-ipon liwat nin pressure, posibleng magkawsa man nin explosive eruption.
