LEGAZPI CITY – Padagos na nakikipagkoordinar an Catanduanes Police Provincial Office (PPO) sa mga kapulisan sa Del Gallego, Camarine Sur mapadapit sa pagkagadan kan sarong person under protected custody (PUPC) makalihis na manlaban ini sa saiyang police escort sa Barangay Cumadaycaday.
Segun ki Catanduanes PPO Public Information Officer Police Major Emsol Icawat sa intrevista kan Bombo Radyo Legazpi na basado sa saindang huring impormasyon an nasunadan na nin kasong homicide an apat na arresting officers.
Afuera suboot kaini an nagsagibo na man nin parallel investigation asin moto propio investigation an Camarines Sur Police Provincial Office para man sa posibilidad nin pagsusunad nin kasong administratibo.
Nagkondusir na man sinda nin sadiring imbestigasyon kun sain pwedesir man na mahampang sa magkakanigong padusa an Chief of Police kan mga arresting officers huli sa nangyaring kapabayaan.
Pigtaram pa kan opisyal na nangyari an insidente sa banwaan kan Del Gallego mantang pigba-byahe an naunambitang person under protected custody pasiring sa Provincia kan Catanduanes makalihis ining madakop sa Pasig City.
Pighayag man ni Icawat na presenteng nagtetenir sa kustodiya kan Camarines Sur Police Provincial Office an mga imbweltong pulis para sa pagpapadagos kan imbestigasyon.
 continues to coordinate with the police in Del Gallego, Camarine Sur regarding the death of a person under protected custody (PUPC) after he fought with his police escort in Barangay Cumadaycaday.){kind=link}