Tinugutan na kan International Criminal Court (ICC) ang kahagadan kan kampo ni dating Presidente Rodrigo Duterte asin an prosecution na magdugang nin mga bagong ebidensiya na gagamiton sa hearing.
Sa apat na pahinang desisyon kan ICC Pre-Trial Chamber 1 na may petsang Pebrero 10 an isinugo kan ICC Pre-Trial Chamber 1 ang depensa asin prosecution na magsunad nin bagong ebidensiya nin sagkod Pebrero 13.
Enot nang nahiling kan legal team kan dating Presidente gikan sa ICC na magdugang nin 78 na mga bagong ebidensiya na ibabale sa confirmation of charge.
Dae man ini kinontra kan prosecution kaya tinugutan na sana ini kan ICC.
Mantang an prosecution an hinagad man sa chambers an dugang na duwang bagong ebidensiya kun saen nagtugot man an lado kan depensa.
Kaiba man an Common Legal Representatives of Victims (CLRV) na dae kinontra an hagad kan depensa asin prosecution para magdugang nin mga ebidensiya.
An nasabing kasuguan an iniluwas pirang aldaw bago pagsagibo nin confirmation of charges laban sa dating presidente kan nacion puon Pebrero 23 sagkod Pebrero 27.
Magigiromdomang nakakarsel sa facility center kan ICC an 80-anyos na si Duterte huli sa crime against humanity na may kinaaraman sa anti drug operations kaini kan sita alkalde kan Davao City asin presidente kan Pilipinas.
